انتصار ترد على جدل تعليمها نيللي كريم التمثيل بمسلسل “ذات”: كانت راقصة شاطرة
حلت الفنانة انتصار ضيفة على برنامج «ع المسرح»، الذي تقدمه الإعلامية مني عبد الوهاب، ويذاع عبر شاشة قناة «الحياة»، إذ تحدثت علي جدل تعليمها التمثيل لنيللي كريم في مسلسل «ذات».
ووجهت مني عبد الوهاب سوال لـ انتصار قائلة:«كاملة أبو ذكري قالت انك ممثلة شاطرة جدا، بس مش هتشتغل معاكي تاني لانك غير منضبطة»، لترد عليها قائلة:«أتمني ان المخرجة كاملة أبو ذكري متتكلمش كتير في البرامج لانه مش صح، مينفعش كل شوية تطلع علي الناس لاني مبحتش انها عملت كدا، وبراحتها مشتغلش معايا تاني».
وتابعت:«انتي مخرجة كبيرة ليكي اسم مينفعش البرامج تستغلك، وتطلعي تتكلمي عن زملائك وحش، لانك من أهم المخرجين الموجودين في الشرق الأوسط، وانا بحبها جدا لانها صحبتي».
وعن جدل تعليم انتصار وباسم سمرة التمثيل لنيللي كريم فى مسلسل ذات، قالت :«انا قولت كدا عشان باسم سمرة طلع وقال في لقاء وقال اني انا وانتصار عملنا نيللي كريم التمثيل، وانا اتزنقت في لقاء بعدها ع طول، وقولت ساعتها مكنش يقصد هو كان قصده انه في الفترة دي كنا بنمثل بقالنا فترة طويلة، وهي حينها كانت راقصة شاطرة، كانت بتلعب بالية حلو جدا، وعجبني ساعتها اني نيللي كريم مردتش خالص واحترمتها جدا».
وتحدثت الفنانة انتصار عن علاقتها بالحب
تحدثت الفنانة إنتصار عن علاقتها مع الحب فى الوقت الحالي، وذلك خلال حلولها ضيفة علي برنامج «ع المسرح»، الذي تقدمه الإعلامية مني عبد الوهاب، علي شاشة قناة الحياة.
وقالت انتصار خلال اللقاء:«كنت مرغوبة من الرجال طوال الوقت، ولكن اكتفيت وزهقت، وعمري ما بخاف اني أكون مرغوبة أم لا، وممكن لو أعجبت برجل أروح أقوله، والحب ملوش مكان ولا وقت، وفي اللحظة دي الكون كله بيكون ساكت احتراما لهذة اللحظة».
وتابعت:«ودائما الراجل اللي بيحبك بيتكلم عنك ورا ضهرك حلو، وآخر مرة حبيت فيها كانت من وقت طويل، والحب بيغير الحياة بتحس اني الأكل له معني واللبس له معني ودولابك اللي في البيت له معني».
كتبت إيمان حاكهمم