حورية فرغلي عن علاقتها بالعفاريت والجن: معايا في البيت ومش بيؤذونى

وقالت حورية فرغلي، خلال حوارها مع الإعلامية بسمة وهبة، ببرنامج “العرافة” المذاع على قناة “المحور”، قائلة: “أولا اللي في البيت عندي ده ملوش علاقة بالجن ولا السحر.. أنا كنت اشتريت الشقة دي وكانت مقفولة لسنين طويلة لأنها كانت بتاعت الأستاذ محمد عبد الوهاب”.

وتابعت “اشتريت الشقة 2013، في مرة كنت قاعدة في الشقة لاقيت الشغالة داخلة عليا بالغداء، وبقولها ليه جايبة الأكل دلوقتي، قالتلي حضرتك اللي طلبتي فاستغربت، وفي مرة تانية لقيت في الصالة بنت صغيرة قاعدة، ومرة تالتة شوفت ولد صغير قاعد على السفرة، وكمان جرس البيت كان بيرن لوحده، في الأول خفت من الحاجات اللي بتظهر دي كتير، ولكن دلوقتي مبقتش أشوفهم زي الأول، وبسبب الموضوع ده سواقين وخدامين مشيوا من عندي”.

واستطردت :”كان فيه عفاريت معايا في الشقة ولا يؤذونني وأقرا سورة البقرة كل يوم جمعة وبشغل القرآن وهذا لا يضايقهم.. هؤلاء موجودين ولا يختفون رغم قراءة القرآن”.

كما كشف برومو الحلقة الحديث عن حقيقة ادعاء حورية فرغلي للمرض لكسب تعاطف الجمهور، والحديث بشكل مستمر عن علاقتها بالجن ورؤيتها لهم ومعايشتهم في سلام دون أذى منهم لها، كما كشفت حقيقة علاقتها بمطرب المهرجانات حسن شاكوش خلال أيام زواجه الأولى.كما تناولت الحلقة معاناتها من الاضطراب النفسي وسبب دخولها مجال الفن والتمثيل ومصير حياتها فى الفترة المقبلة، وحقيقة اعتزالها.