بعد وصفه بالكومبارس.. تامر حسني يتضامن مع رامي نادر
أبدى الفنان «تامر حسني» تضامنه مع الفنان الصاعد رامي نادر، الذي تعرض لانتقادات من بعض متابعيه بعد أن أعلن بأنه سيقوم بتدريش التمثيل بإحدي الورش.
وأعرب « حسني» تضامنه مع الفنان « رامي منير» في منشور له عبر صفحته الرسمية على «فيسبوك»، قائلًا: «أستاذ رامي أنت فنان محترم، وردك حقيقي راقي رغم تعرضك لكلام محبط، انت مردتش الإساءة بالاساءة، و ده ليه اعتبار كبير أوي فوق ما تتصور عند ربنا قبل البشرممكن تكون جواك زعلت بس أكيد التعليق اللي زعلك ده ممكن يكون سبب في حاجه تفرحك قريب ».
وتابع «وهتشوف كلامي وأنا شخصياً مكنتش عارف إنك بتمرن تمثيل، وعرفت من البوست ده وهبعتلك شباب يتمرنوا عندك وأتمنى أقابلك وأتعرف عليك و نفتح باب شغل مع بعض وأتمنى من الشاب اللي كتبلك كده إنه يراجع نفسه، وميحاولش يحبط حد تاني، لأن الكلمة المحبطه فعلاً ممكن تموّت بجد، و يكون تأثيرها اكبر من السلاح».
واضاف «، والتعليق السلبي اللي أي حد بيكتبه بمنتهى البساطة وهو في بيته بيضحك، ممكن يكون سبب في قتل حد نفسياً، أو يكون سبب في تدمير أسرة، أو سبب في جرح روح كانت فرحانة ومتفائلة وبسببك كل ده اتهد، ربنا يوفقك يا فنان يا محترم».
واختتم“تامر حسني:- «يا شباب خلونا رحيمين على بعض عشان ربنا يرحمنا، عشان كل ما بقيت رحيم في كلامك هتلاقي ربنا بيسخرلك في عز زعلك و إحباطك ناس تفرح قلبك بالكلام الرحيم اللي يقويك على الدنيا».
وكان الفنان« رامي نادر» قد أعلن عن إمكانية إعطائه ورش تمثيل ليرد أحد متابعيه إزاي حضرتك كومبارس وبتدي ورش ليعلق نادر سؤال وقفت أفكر فيه كتير ، وأتضايقت أكيد ،بس لاقيته قايل حضرتك
فـ عجبني الإحترام بتاعه.
قائلاً:- « عندك حق بس الأدوار الكومبارس اللي انا بعملها ادوار كويسة وفي ممثل كويس ولا ممثل وحش ؟ أنا بدرب الناس علي التمثيل وأتمني يكون حظهم أفضل مني لأن الممثل الكويس ممكن يفضل كومبارس اوفي لحظه يبقي نجم حظ وتوفبق لانه ممثل كويس وده اللي بدرسه في الورشه »
كتب محمد أشرف
شاهد رد بسمة بوسيل على طلب تامر حسني بالصلح معها
تامر حسني يصالح زوجته بسمة بوسيل:متهوره بس بحبك
تامر حسني يغير اسم أغنية بألبومه الجديد .. اعرف السبب