الفنانة نور تفصح عن رأيها فى مسلسل البرنس
تحدثت الفنانة نور عن مشاركتها في مسلسل ” البرنس” وذلك في حلقة الخميس من برنامج “مساء dmc” على القناة القضائيه dmc ، الذى يقدمه الإعلامي رامي رضوان.
وقالت الفنانة نور : “مساء الخير على كل مشاهدي dmc ورمضان كريم وكل سنة وأنتم طيبين ويارب شهر رمضان يعود عليكم بالخير والبركة، وأهم حاجة إن كلنا وعائلتنا نبقى بصحة كويسة ونخلص من الوباء العالمي اللي مقعدنا في بيوتنا ومخلينا خايفين ورمضان كريم ويارب كل الخير والبركة على الجميع”.
وأضافت: “أنا حابة أتكلم عن مسلسل البرنس وكواليس مسلسل البرنس ويارب يعجبكم المسلسل ده، بقدم فيه دور علا، وأول مرة أقدم دور من منطقة شعبية، وأنا مبسوطة جدا بالتحدى ده وبالدور ده ويارب يعجبكم”.
وأفصحت نور عن دورها فى المسلسل قائلة: “علا شخصية حقيقية قوي، والبناء الدرامي في الشخصية حلو جدا وفيها الغضب والرومانسية والحب والجدعنة وفيها مشاعر متضاربة.
وتابعت: المهم يارب يعجبكم المسلسل وأنا كنت مبسوطة لأن دي تاني مرة أشتغل مع محمد سامي، وأول مرة أشتغل مع محمد رمضان، ومبسوطة بالتعاون ده، ومع أسرة المسلسل: أحمد زاهر ودنيا عبدالعزيز وروجينا وإدوارد وأحمد داش، وخايفة أنسى حد”.
وأثنت نور على المسلسل وتمنت أن يصل للجمهور، مشيرة إلى أنهم انتهوا من تصوير عدد كبير من ساعات التصوير، وأن كواليس المسلسل كانت طيبة: “كل واحد ممكن يتفرج يلاقي حاجة ممكن تلمسه في المسلسل وتخصه هو”.